Qeveria pritet të miratojë shumë shpejt, krijimin e Agjencisë së Shpronësimeve me Interes Publik, duke i hapur rrugë zgjidhjes së çdo problemi me shpronësimet, në lidhje me projektet që qeveria planifikon të zhvillojë në dobi të vendit dhe qytetarëve.
Ministrja e Financave dhe Ekonomisë, Anila Denaj, u shpreh sot gjatë diskutimit të projektbuxhetit 2020 në komisionin e Veprimtarive Prodhuese se, “dy janë elementët më të rëndësishëm të kësaj agjencie. Adresimi i projeksioneve më korrekte për të përfshirë edhe fondin e shpronësimeve me ligj, dhe së dyti, pagesën e detyrimeve të prapambetura të cilat do të paguhen nga kjo Agjenci sipas një plani pagesash për një periudhë të caktuar kohe përfshirë edhe normën e interesit”.
Kjo strukturë e re do t’i japë zgjidhje të drejtë vlerësimit të truallit, por edhe shkurtimit të procedurave të dëmshpërblimit të pronarëve
