Një burrë ka gjetur tragjikisht vdekjen në Fier, pasi u përplas me një makinë të parkuar. Ngjarja e rëndë ndodhi këtë të shtunë rreth orës 18:10, në vendin e quajtur “Kraps”.
Viktima është një 66-vjeçar me iniciale Sh.K. Ai udhëtonte me një makinë Reno, kur u përplas në rrethana të paqarta me një automjet që ishte i parkuar.
66-vjeçari mori dëmtime të rënda, e ndonëse u dërgua në spital nuk mundi t’i mbijetonte plagëve dhe ndërroi jetë. Për zbardhjen e rrethanave të këtij aksidenti është ngritur një grup hetimor.
