Një shqiptar ka gjetur vdekjen e menjëhershme dhe një tjetër ka mbetur i plagosur rëndë në një aksident në Greqi.
Sipas mediave grek viktima është një 31-vjeçar i quajtur Kleo Sulejmani që ishte në timonin e një makinë ndërsa i plagosuri është një 44-vjeçar që udhëtonte me të. Në kilometrin e 1 të Pigadia, makina me 31-vjeçarin e ndjerë në timon, në rrethana të paqarta doli nga rruga dhe u përplas me një pemë.
Ndërkohë shkaqet e sakta të aksidentit po hetohen nga Departamenti i Policisë Karpathos.
