Mësohen detaje të reja nga ngjarja e ndodhur në urgjencën e spitalit të Fierit. Një prej personave të plagosur nga sherri i ndodhur në Levan të Fierit është Gentjan Zhapa 33 vjeç. Ndërsa babai i tij është plagosur me armë zjarri në ambientet e spitalit. Ai ka shkuar në spital për të parë të birin por është qëlluar nga personi i cili ka hapur zjarr në ambientet e spitalit
Një sherr i nisur mes dy familjeve në Levan të Fierit është përshkallëzuar më pas në ambientet e urgjencës së spitalit në përdorimin e armëve të zjarrit.
Katër persona janë plagosur fillimisht pas një konflikti të ndodhura mes dy grupeve në Levan dy prej të cilëve Gentjan Zhapa dhe D.Zh janë qëlluar me mjete të forta ndërsa K.L. dhe E.M. kanë mbetur të plagosur pasi janë qëlluar me thikë.
Ata janë dërguar në spital për të marrë ndihmën e nevojshme mjekësore.Një person i cili ka qenë duke shoqëruar një prej personave të plagosur i ka marrë armën e efektivit të policisë duke lënë të plagosur babanë e Gentjan Zhapës i cili kishte shkuar në spital për të vizituar të birin.
Lidhur me këtë ngjarje policia ka shoqëruar dy persona E.B. e D.B. si dhe është shpallur në kërkim një tjetër.Forca të shumta policie kanë rrethuar spitalin e Fierit dhe zonat pranë tij për të bërë të mundur kapjen e personit të arratisur.
Nuk dihen ende rrethanat që kanë sjellë këtë ngjarje e cila ka tronditur qytetin e Fierit.
