Nicolas Cage, 56 vjeç, është përsëri një burrë i martuar, pasi është martuar me Riko Shibata, 26 vjeç, muajin e kaluar në Hotel Wynn në Las Vegas. “Eshtë e vërtetë dhe ne jemi shumë të lumtur”,-tha aktori në një deklaratë.
Çifti u martua më 16 shkurt në një ceremoni të vogël, një datë e zgjedhur për të nderuar ditëlindjen e babait të ndjerë të dhëndrit. Riko kishte veshur një kimono martesore të punuar me dorë. Çifti shkëmbyen zotimet tradicionale katolike dhe japoneze.
Ish-gruaja e Cage, Alice Kim – me të cilën aktori është akoma në marrëdhënie të mira – u bashkua me çiftin për të festuar më pas, së bashku me djalin e tyre. Cage dhe Riko u takuan në Shiga, Japoni dhe kanë qenë së bashku që nga pak pas zgjidhjes së martesës së fundit të Cage, me Erika Koike – e cila zgjati për katër ditë në 2019.
Pak para izolimit në New York në mars të vitit 2020, Cage dhe Riko u panë bashkë në një takim në Tavern on the Green, ku ata “nuk flisnin shumë”, por u siguruan të “pinin me bollëk”. Sipas Daily Mail, Cage, i cili propozoi përmes Riko-s, e cila ishte në Japoni. Ai ka qenë i martuar me Patricia Arquette nga 1995 në 2001, Lisa Marie Presley nga 2002 në 2004, Alice Kim nga 2004 në 2016 dhe me Erika Koike për më pak se katër ditë në 2019-ën.
