Aktori i Disney-t, Sebastián Athié ka ndërruar jetë dy ditë më parë. Lajmin e trishtë e ka dhënë The Disney Channel Latin America përmes një njoftimi në Instagram. Ndërsa shkaku i vdekjes së 24-vjeçarit mbetet i paqartë, raporton revista “People”. “Pusho në paqe, Sebas. Arti dhe buzëqeshja jote do të jetojnë përgjithmonë.
Jemi të trishtuar për ikjen e Sebastián Athié dhe do ta kujtojmë gjithmonë për talentin, profesionalizmin dhe zemrën e madhe. Jemi pranë familjes së tij, miqve dhe fansave”, ka shkruar Disney Channel LA, përkrah një fotoje të Athié duke qeshur. Gjithashtu të shumtë ishin edhe kolegët e aktorit që kanë shprehur ngushëllimet në rrjetet sociale.
