Rritja e numrit të rasteve me COVID-19 në spitalet e vendit ka alarmuar qeverinë greke, prandaj është marrë masa që Athina dhe Atika të futen sërish në shtetrrethim.
Në bazë të të dhënave të fundit çdo ditë, 15 pacientë kërkojnë shtretër në njësitë e kujdesit intensiv dhe tashmë 70% janë të zënë. Prandaj qeveria është detyruar të marrë masa të reja. Deklarata është dhënë nga kryeministri i vendit Kyriakos Mitsotakis.
“Nga e enjtja, deri më 28 shkurt, masat kufizuese në Attika do të shtrëngohen. Të gjithadyqanet e shitjes me pakicë mbyllen dhe tani e tutje të gjitha nivelet e arsimit do të funksionojnë në distancë.
Përvoja nga vala e parë e pandemisë si dhe shtetrrethimi pas pushimeve të Krishtlindjeve, tregon se sa më shpejt që zbatohen kufizimet, aq më shpejt ato hiqen “, tha Mitsotakis.
Njoftimi i bllokimit të ri po shkakton zemërim dhe zhgënjim tek njerëzit dhe bizneset në Athinë. Klima është e ngjashme në rrugët e Athinës ku njerëzit besojnë se janë bërë gabime në menaxhimin e pandemisë. Shumë kanë frikë se mos humbin punën për shkak të masave të përsëritura kufizuese.
