Drejtoresha e Përgjithshme e ISHP-së, Albana Fico ka folur për situatën e pandemisë së koronavirusit në dy javët e fundit në vendin tonë, duke sqaruar grupmoshën e personave më të prekur, të cilët janë 55-64 vjeç, ndërsa në vend të dytë rreshtohen të rinjtë e moshës 25-34 vjeç.
Në konferencën e Komitetit të Ekspertëve, Fico bën thirrjen që të gjithë të respektojnë masat, sidomos të rinjtë pasi nuk ka vend për vetëkënaqësi pasi transmetueshmëria mbetet e lartë.
Albana Fico: Situata në vend është vlerësuar në mënyrë dinamike dhe specifikisht gjatë festave të fundvitit për incidencën 14 ditore, totalin e rasteve të shtruara në spítal dhe numrin e humbjeve të jetës. Vetëm gjatë javës së fundit, niveli i incidencës është në vlerën 110 raste të reja për 100 mijë banorë. Pra koha që marrim në shqyrtim janë 23 dhjetor deri në 3 janar.
Mosha mesatare e rasteve të konfirmuara është 48.7 vjeç. Vendin më të rëndësishëm e zë grupmosha 55-64, e ndjekur më pas nga 25-34 vjeç dhe e treta 45-54 vjeç. Jo pa qëllim e sollëm në mënyrë të vecantë përqindjen e grupmoshave sepse vihet re që ka rritje në grupmoshën 25-34 vjeç, ku gjejmë rastin ti bëjmë thirrje të rinjve të respektojnë masat.
Niveli i shfrytëzimit të shtratit mbetet 46.7%, një indikator që flet edhe për shtrimet spítalore. Situata për këto dy javë mbetet e qëndrueshme me zbritje të lehta. Nuk ka vend për vetëkënaqësi, duhet të jemi të ndërgjegjshëm që jemi në një situatë ku transmetueshmëria është e lartë, rastet spítalore vazhdojnë të jenë të rëndësishme dhe respektimi i masave, të cilat kanë kontribuar edhe në këto shifra të kësaj situate të qëndrueshme.
