Tashmë është kthyer në “traditë, mos na thoni që ju s’e bëni sepse nuk e besojmë, që pushimet të dokumentohen një për një në rrjete sociale, sidomos në Instagram. Disa zgjedhin të ndajnë pamje të ndryshme nga destinacioni ku ndodhen, ushqimi që hanë, por vendin e parë sigurisht që e zënë selfie-t.
Dhe të fundit që ka postuar Amarda Toska janë aq ndryshe. Do të pyesni pse, ua tregojmë neve, kishim kohë pa e parë bukuroshen e ekranit në versionin “ujë e sapun”, dhe iu bën ”diss” edhe adoleshenteve.
Ajo ka publikuar në Instagram disa foto ku shfaqet krejtësisht natyrale pa asnjë pikë grimi në fytyrë, dhe ku duket më tërheqëse se kurrë. “Shqipëria e bukur”, shkruan Ami krahas fotove që ka publikuar. Çifti Toska dhe Mamaqi, së bashku me fëmijët e tyre kanë vendosur të shijojnë disa ditë në plazh, për të përballuar temperaturat e nxehta.
