Ka qëndruar vetëm 24 orë i arrestuar, ish-kryebashkiaku socialist i Vorës, Agim Kajmaku, i arrestuar një ditë më parë pas tetë muajsh në kërkim. Gjykata e Apelit ka ndryshuar masën e sigurisë për ish-kreun e Bashkisë së Vorës. Apeli ka vendosur që ai të jetë në masën e sigurisë ‘detyrim paraqitje’.
Ka qenë prokurorja e çështjes, Arta Marku, e cila ka kërkuar zbutje të masës së sigurisë, duke argumentuar qëndrimin e saj për shkak të ndryshimit të rrethanave të ngjarjes. Sipas Markut, Kajmaku nuk është person me rrezikshmëri të lartë shoqërore dhe nuk rrezikon të largohet nga Shqipëria. Kajmaku ka paraqitur dokumentacionin e nevojshëm ku vërtetohet se ka 15 vite që vuan nga diabeti.