Një atentat me tritol në qendër të Gjirokastrës i mori jetën 45-vjeçarit Beqir Devolli, ndërsa mbeti i plagosur pasagjeri 26-vjeçar, Rigers Mela.
Ngjarja ndodhi mbrëmjen e kaluar, kur automjeti tip “Benz” shpërtheu gjatë lëvizjes. Drejtuesi i mjetit ndërroi jetë në ambulancë, gjatë transportimit drejt Tiranës për mjekim të specializuar.
Ndërkohë, 26-vjeçari ndodhet në spital, jashtë rrezikut për jetën.
Grupi hetimor po verifikon pistat e mundshme të atentatit. Sipas informacioneve paraprake, hetuesit po shqyrtojnë edhe një ngjarje të vitit 2025, kur Melës dyshohet se i është djegur automjeti. Deri më tani, nuk ka një konfirmim zyrtar se ai ishte objektivi i shpërthimit.
Gjirokastër/Informacion paraprak
Rreth orës 22:00, në bulevardin “18 Shtatori”, dyshohet se ka shpërthyer automjeti tip “Benz”, në pronësi të shtetasit B. D., i cili ishte në lëvizje.
Si pasojë e shpërthimit, kanë mbetur të dëmtuar shtetasit B. D. dhe R. M., të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe vijon punën për sqarimin e rrethanave të rastit dhe përcaktimin e saktë të shkakut të shpërthimit
