Eksperienca e tij me Barcelonën dhe Argjentinës e ka vendosur Lionel Messin përballë yjeve më të mëdhenj të topit.”Pleshti” ndodhet në nivele maksimale të futbollit prej pothuajse 14 vitesh, ku ka lënë gjurmën e tij si me Barcelonën ashtu edhe me kombëtaren. Por, pavarësisht kësaj, argjentinasi nuk është përballur me idhullin e tij, Ronaldo Nazario.
“Ronaldo ishte një fenomen. Nga të gjithë sulmuesit që kam parë në jetën time, ai ishte më i miri. Një lojtar mbresëlënës nga çdo aspekt” tha Messi për “TyC Sports”. Fenomeni e mbylli karrierën e tij me Corinthians pikërisht në vitin kur Messi startoi magjinë e tij në “Camp Nou”.
