Barcelona kërkon t’i japë fund çështjes së Neymar sa më shpejt dhe këtë e bën nëpërmjet ofertës së huazimit që pritet t’i paraqesë Paris Saint Germain-it. Por francezët do të jenë të vështirë për tu bindur pasi kërkesa e tyre është më e lartë.
Ata janë në kërkim të shitjes së lojtarit dhe përveç çmimit duan dhe shkëmbimin me të paktën dy lojtarë. Neymar është kthyer tashmë në yllin e kësaj merkatoje por që askush nuk po “e kap” dot. Ai dëshiron që të kthehet te Camp Nou por deri më tani blaugranasit nuk kanë bërë një lëvizje konkrete për brazilianin.
27 vjeçari nuk ka luajtur në 2 ndeshjet e para të kampionatit për Paris Saint Germain prandaj aventura e tij në Francë është vendosur në dyshim. Parizienët kërkojnë shitjen e Nymarit për një shfër afërsisht të njëjtë me atë që kanë paguar,gjë që është shumë e vështirë ndaj ata kërkojnë dhe shkëmbim me lojtarë.
Drejtori sportiv i Barcelonës, Eric Abidal si dhe pjesëtar të bordit kanë qendruar 1 javë në Paris me shpresën mos të arrijnë akordin me lojtarin dhe PSG por që me sa duket nuk ia kanë arritur. Në biseda me kryeqytetasit francezë është dhe Reali i Madridit, gjithashtu në garë është futur edhe Juventusi që po përdor kartën Dybala për të joshur PSG-në.
Timoni mbetet në dorën e parizienëve të cilët duhët të zgjedin ofertën më të mirë pasi koha është e limituar. Merkatoja europiane mbyllet në 2 shtator.
