Kryetari i shkarkuar i PD-së, Lulzim Basha, ka deklaruar se radha për “non grata” do t’u vijë edhe brinjëve të tjera të “trekëndëshit të Bermudës”, për të cilën më herët ka thënë se përbëhet nga Berisha, Rama dhe Meta.
Në emisionin “Open”, Basha u shpreh se edhe Rama një ditë do të shpallet “non grata” nga SHBA, por se kur, nuk e di askush. “Do t’u vijë dita edhe brinjëve të tjera të “trekëndëshit të Bermudës”, por vendimet e SHBA nuk i përcaktojmë ne.
Unë nuk jam mashë e askujt dhe këtë e kam provuar me akte dhe jo me fjalë. Unë kam bindjen se në lojë janë interesat kombëtare. Nuk ka gjë veç Zotit të më ndalojë mua.
Këtë e kam dhënë me prova. Këtu ishin interesat e demokratëve. Institucionet e kanë shpallur ‘non grata’, edhe Edi Rama duhet të ishte shpallur, por si do shpallet këtë nuk e di as unë as ti. Ky ‘trekëndësh i Bermudës’ mban njëri tjetrin në këmbë për t’u pirë gjakun shqiptarëve”, – u shpreh Basha.
