Jerome Boateng “skuqet” dhe Bayern Munich pëson humbje poshtëruese përballë Eintracht Frankfurt. Bavarezët u mposhtën me shifrat e thella 5-1 në transfertë, duke konfirmuar momentin “jo” në kampionat. Goli i Robert Lewandowski shërbeu vetëm për vlera statistikore, me polakun që ngjitet në krye të kalsifikimit të golashënuesve me 14 gola pas 10 javëve të para.
Fitore komode mori Borussia Dortmund, e cila fitoi 3-0 përballë Wolfsburg. Tashmë verdhezinjtë numërojnë 18 pikë në vendin e tretë. Ndërkaq, Monchengladbach merr kreun me 22 pikë pas triumfit 2-1 në transfertën e Leverkusen kundër Bayer.
Sfidë spektakolare rezultoi ajo e luajtur në Leipzig, ku vendasit shkatërruan me shifrat 8-0 Mainz. Milot Rashica shënon sërish, por goli nuk i mjaftoi për t’i dhënë pikë të plota Werder Bremen, që u ndal në barazim 2-2 nga Freiburg.
