Delegacioni i Bashkimit Europian në Shqipëri ka reaguar sa i takon lajmit se dy prokurore janë kërcënuar me jetën e tyre.
Siç thuhet në njoftim, BE pret angazhimin e autoriteteve për të vënë para përgjegjësisë ata që kërcënuan zyrtarët e drejtësisë.
Njoftimi i plotë:
Delegacioni i BE-së në Shqipëri është thellësisht i shqetësuar për kërcënimet e bëra ndaj autoriteteve të drejtësisë që punojnë çdo ditë në luftën kundër krimit të organizuar në Shqipëri. Ne mirëpresim angazhimin e autoriteteve shqiptare për të hetuar me shpejtësi këto kërcënime dhe për të mbajtur përgjegjës autorët.
BE-ja mbështet plotësisht të gjithë zyrtarët që punojnë në luftën kundër korrupsionit dhe krimit të organizuar në Shqipëri, dënon çdo formë sjelljeje kërcënuese ndaj tyre dhe vazhdon të mbështesë vendin në përpjekjet e tij për forcimin e shtetit të së drejtës.
Kërcënimi i prokuroreve, reagon ambasada e Mbretërisë së Bashkuar
Ambasada e Mbretërisë së Bashkuar ka reaguar sa i takon lajmit se dy prokurore janë kërcënuar me jetën e tyre.
Siç thuhet në njoftim, Mbretëria e Bashkuar bën thirrje që të gjithë ata që punojnë në sistemin e drejtësisë të jenë të lirë për të kryer detyrat e tyre.
Njoftimi i plotë:
Mbretëria e Bashkuar shpreh shqetësimin lidhur me kërcënimet kundër hetuesve, prokurorëve dhe gjyqëtarëve në Shqipëri.
Të gjithë ata që punojnë në Sistemin e Drejtësisë duhet të jenë të lirë të kryejnë punën e tyre, pa frikë apo favore. Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë.
Ka qenë i penduari i drejtësisë, Artan Tafani, pjesë e bandës së vrasësve me pagesë të Laert Haxhiut, ai i cili ka rrëfyer planet e grupit për eliminimin e prokurores së SPAK, Doloreza Musabelliu dhe ish-prokurores së Lushnjës Merita Selimi si dhe një avokat
