Ish-kryeministri Sali Berisha është shprehur se kryebashkiaku i Tiranës, Erion Veliaj dhe kryeministri Edi Rama prishën parkun Rinia për ndërtimin e një parkingu. Berisha publikoi denoncimin e një qytetari ku thuhet se në vend të lulishtes në qendër të Tiranës, do ndërtohet një parking tokësor gjigant.
Sipas denoncimit prishja e lulishteve dhe parqeve është vepër penale dhe dënohet me ligj. “Lal Plehu dhe Edvin Hajduti prishin parkun Rinia në qendër të Tiranës për parkingun e Besnikut të Partisë!”-shkroi Berisha.
Denoncimi i qytetarit dixhital
Përshëndetje. Qytetarë të Tiranës po flasin se Bashkia e Tiranës po mbush me dhe’ Parkun Rinia ose Taivanin, që më vonë të ndërtojë një parking tokësor gjigant aty. Po shkatërrohen lulishtet në kryeqytet që është një vepër penale. Lexoni Kushtetutën që thotë tjetërsimi i lulishteve dhe parqeve është vepër penale dhe dënohet me ligj.
Po shkatërrohen mushkëritë e popullit. Nga rrugët e biçikletave dhe sheshit Skenderbe ku u be si treg fshatar, nuk qarkulloje shpejt makinat.
