Deputetja Blerina Gjylameti ka deklaruar në emisionin “Opinion” se ata të cilët nuk deklarojnë të ardhurat gjatë amnistisë fikale, do të jenë subjekt i OFL-së. Sipas saj amnistia është fiskale dhe penale.
“Pas amnistisë që do ketë një periudhe kohore të caktuar, kontrolli që do të bëhet më pas do të jetë subjekt i OFL. Pas amnistisë fiskale çdo e ardhur e padeklaruar hyn automatikisht subjekt i Operacionit Forca e Ligjit“, u shpreh depytetja.
Në këtë emsion ajo shpjegoi sesi do të funksionojë amnistia fiskale dhe cilat do të jenë kategoritë që do të përfitojnë nga kjo nismë e qeverisë. Gjylameti tha se flitet për amnisti të plotë fiskale mbi të ardhurat, që nuk është bërë asnjëherë në Shqipëri. Ajo pohoi se personat që deklarojnë përmes kësaj amnistie nuk do të kenë as pasoja penale në të ardhmen.
