Epidemiologu i ISHP-së Dritan Ulqinaku, ka bërë apele të forta pas shifrave ala rmante të rasteve të reja me Covid në 24 orët e fundit. Në një interviste te Abc-ja e Mëngjesit ka deklaruar se shifrat e fundit janë një paralajmërim që ne duhet të jemi më të kujdesshëm, ku thekson se qytetarët e harruan distancimin fizik, duke çuar dhe në rritjen e rasteve të reja me koronavirus.
“Është një shifër që është në nivelin e al armit. Ne duhet të shqetësohemi më shumë për kapacitetet mjeksore dhe deri në 30 raste në dite sistemi i përballon, por me këtë shifër duhet të jemi më të vëmendshëm. Ne harruam shumë shpejt se çfarë ishte karantina. Nuk flas për 30 të shtruar, por 30 të infektuar. Janë shtruar 7 shtrime të reja. Nuk është se janë në gjendje të rëndë, por është një person që ka rëndësi të jetë nën kujdesin e mjekëve. Kjo sëmundje ka treguar se mund të kthehet në një mënyrë të papritur dhe mund të marrë edhe jetë.
Pa kaluar valën e dytë të koronavirusit ne nuk mund të japim asnjë konkluzion të saktë, pasi nuk ka asnjë fakt në lidhje me rikthimin e Covid 19. Ndryshimi i Covid 19 me një grip normal është se kërkon një hospitalizim të gjatë. Frika më e madhe është se mund të mos kemi krevat ku mund të vendosim fëmijët. Lufta nuk ka mbaruar, ne nujk duhet të harrojmë, as qytetarët, as mjekët, as strukturat spitalore”, ka thënë Ulqinaku.
