Blerina Sulaj, kandidatja për deputete në Qarkun e Vlorës nën siglën e Bindjes Demokratike.
Miq dhe qytetarë të Vlorës,
Ndjej të udhës të vendos këtë komunikim me ju për t ju vënë në dijeni të sfidës së madhe dhe sipërmarrjes sime për të qënë garuese ne rradhët e Bindjes Demokratike, si e para femër ndër kandidatët në zgjedhjet e 25 Prillit.
Politika është një fushë e re për mua , pasi Blerina që ju të gjithë njihni është një prej jush. Ndaj ndiej detyrim moral të lë pas të gjithë pikpyetjet dhe të hyj në këtë sfidë besimplotë se do të gezoj mbështetjen tuaj. Dëshiroj të garantoj këdo se ky rrugëtim I ri vjen si domosdoshmëri për të përcuar zërin e problematikave që vijnë nga komuniteti .
Ky vendim vjen në një kohë të vështirë politikash të trazuara, mungese besimi, shprese, projektesh , vizioni për të ardhmen. Dëshiroj të sjell modelin e vajzës së rritur thjesht dhe edukuar nga prindër që mbi çdo dëshirë të tyre vunë ndershmërinë, integritetin, moralin. Ashtu sikurse prioritet patën shkollimin, është ky I njëjti model që dëshiroj të përcoj të fëmijët e mi e gjithashtu I njëjti model me të cilin dëshiroj të qeveriset Shqipëria.
Garoj nën siglën e një subjekti të ri politik, një grupim profesionistësh që nuk u bënë palë pazaresh të vjetra e padyshim kjo është një garanci se e nesërmja mund të jëtë më e mirë. Kam bindjen se së bashku mundemi ti kthejmë Vlorës në rradhë të parë dhe Shqipërisë dinjitetin që meriton.
