Ulja e qepenave për një kohë të gjatë shkaktoi pasoja të rënda tek biznesi i vogël në Vlorë. Gjatë një viti, në këtë qytet janë mbyllur 52% e bizneseve të vogla. Kreu i dhomës së tregtisë Arben Breshani sqaron se ky sektor është më i rëndësishmi, edhe për shkak të numrit të të punësuarve.

“Përsa i përket shifrave të mbylljes ka vetëm sektori i bizneseve të vogla kurse sektori i turizmit nuk ka pasur mbyllje vetëm mbylljet e sezonit. Ka vetëm rënie sa i përket punësimit se aty është dhe numri më i lartë i të punësuarve”, ka thënë Breshani.

Zgjidhja sipas Beshanit është në dorën e qeverisë. “Biznesi i vogël donte një paketë shumë më të fuqishme nga ana e qeverisë. edhe tani e donte një paketë mbështete nga ana e qeverisë”, ka thënë ai. Breshani u ndal edhe tek sektori i turizmit duke e thënë se ishte një nga më të prekur gjatë një viti.