Reshjet e borës në Evropë gjatë këtij viti kanë qenë përsëri të mëdha, dhe kanë shkaktuar kaos në pjesën më të madhe të saj. Bora dhe ngricat u kanë marrë jetën 21 personave deri tani, derisa janë shkaktuar probleme të shumëta në komunkacion, e shumë vende mbesin ende të bllokluara. Vendet si Gjermania, Zvicra, Skandinavia, Austria dhe Baltiku, po përballen me temperature nën 0.
Derisa përpos kompanive të ndryshme të pastrimit, edhe ushtria gjermane ka dalë në shërbim për të ndihmuar në pastrimin e rrugëve dhe zhbllokimin e banorëve, transmeton gazetametro.net. Siç bëhet e ditur, Austria po përballet me sasinë më të madhe të reshjeve të borës të regjistruara deri tani, të cilat kanë bllokuar një pjesë të madhe të vendit. E situatë më e mirë nuk është as në Greqi, temperaturat atje kanë rënë në nivel shokues deri në -23 gradë Celsius, temperaturë kjo e shënuar në Follorinë.
