Papunësia dhe kriza e mosbesimit se situata do të ndryshojë janë arsyet kryesore të largimit të të rinjve nga Shqipëria. Fenomeni ka prekur edhe Vlorën, ku në një dekadë përllogaritet se janë larguar 10 % e popullsisë. Sociologët ngenë alarmin nëse nuk merren masa në kohë.
Papunësia dhe shpresa e munguar se situata do të ndryshojë po largon të rinjtë nga Vlora. Të dhënat për dekadën e fundit janë shqetësuese në bashkinë bregdetare. Sociologët thonë se situata është pasojë e një krize të thellë mosbesimi ndaj institucioneve.
“Shkaqet e largimit të popullësisë janë ato të krizës së mosbesimit në arsim, sistemin shëndetësor, sigurimet shoqërore, tendencës gjithnjë e në ulje të ekonomisë së vendit.” Por alarmi ngrihet për dekadën e ardhshme. Fenomeni sipas ekspertevë do të marrë përmasa te rrezikshme në rast se qeveritë nuk do të ndërhyjne me politika efikase.
Çelësi është krijimi i vendeve të punës dhe rikthimi i shpresës “Duhen politika punësimi dhe nxitje e iniciativës private, duke i mbështetur shteti në çdo mënyrë.” Sipas të dhënave, në vitin 2020 popullsia e Vlorës përllogaritet rreth 300 mijë banorë, ndërsa për të rikthyer pas largimeve as nuk flitet.
