Qindra shpend në një fermë në Kent të Britanisë së Madhe do të shkatërrohen pas “shpërthimit” të gripit të shpendëve. Sipas mediave të huaja, 480 rosa dhe pula në vendin pranë qytetit Deal do të vriten për të kufizuar përhapjen e sëmundjes, ka konfirmuar qeveria britanike.
Shpërthimi i gripit të shpendëve H5N2 në mjediset e vogla tregtare u konfirmua të hënën. Një zonë e kufizuar prej 1km është vendosur rreth vendit për të kufizuar rrezikun e përhapjes së sëmundjes, ndërsa kërkimet urgjente janë duke u zhvilluar për ndonjë provë që ajo është përhapur më tej.
Shëndeti Publik Angli (PHE) thotë se rreziku për shëndetin publik nga virusi është shumë i ulët dhe Agjencia e Standardeve të Ushqimit thotë se gripi i shpendëve nuk paraqet rrezik për sigurinë e ushqimit për konsumatorët.
Produktet e pulave dhe pulave të gatuara plotësisht, përfshirë vezët, janë të sigurta për t’u ngrënë.
Zyrtarja kryesore për Veterinë, Christine Middlemiss tha se janë ndërmarrë hapa urgjentë për të kufizuar rrezikun e përhapjes së sëmundjes dhe të gjithë shpendët në fermë do të shkatërrohen.
Nuk pritet të ketë një ndikim në furnizimin me ushqim pasi ky biznes nuk furnizon mishin e shpendëve ose vezët në zinxhirin tregtar të ushqimit. “Mbajtësit e shpezëve duhet të qëndrojnë vigjilentë për çdo shenjë të sëmundjes, të raportojnë menjëherë për sëmundjen e dyshuar dhe të sigurojnë që ata po mbajnë biosigurinë e mirë në mjediset e tyre. Ne kërkojmë urgjentisht ndonjë provë të përhapjes së sëmundjes që lidhet me këtë fermë për ta kontrolluar dhe eliminuar”, tha ajo. Gavin Dabrera, konsulent për infeksione akute të frymëmarrjes në PHE ka këshilluar njerëzit të mos bien në kontakt me shpezët e sëmura ose të ngordhura dhe të pastrojnë duart me sapun. Ndryshe, një hetim i hollësishëm është në proces për të përcaktuar burimin e shpërthimit të gripit të shpezëve në Britaninë e Madhe.
