Kryeministri Edi Rama ka vijuar sulmet dhe ironitë ndaj kundërshtarëve politikë. Dje shefi i qeverisë publikoi një fotomontazh në “Instagram” teksa shfaqet në rolin e Davidit, ndërsa Lulzim Basha dhe Monika Kryemadhi ishin të impresionuar përballë kryeveprës së Mikelanxhelos.
Krahas fotos, kryeministri ka sfiduar hapur faqen e njohur të memeve “Brryli brodway”, e cila mesa duket është e preferuara e tij.
“Ej Brryli Broadway ça bohet kshu nga doli kjo”, shkroi Rama në postin e djeshëm. Por i menjëhërshëm ka qenë reagimi i faqes, e cila replikoi me shefin e qeverisë duke shkruar: “Ça ka ky me ne mer vlla se na e boni fiksim? Ktij ka fillu me ju duk sikur i bo Brryli te gjitha fotoshopet”.
Përplasja mes Ramës dhe faqes së memeve nuk ka mbaruar këtu. Në një foto të publikuar sot nga “Brryli Broadway”, në rolin e Davidit është ish-kryeministri Sali Berisha dhe Edi Rama me zv.kryeministrin, Erion Braçe, kreun e bashkisë Erion Veliaj, Endri Fugën dhe ish-ministri i Jashtëm, Ditmir Bushati shfaqen si turistë duke fotografuar Berishën, i cili paraqitet në rolin e Davidit
“Ej o Edi Roma ça bohet kshu me ju mer jahu, keni nerru korsi ee…🤨Mjesi kecat e Dajes”, thuhet në postim.BW
