Gazetari Arian Çani që moderon emisionin “Zonë e lirë” në Tv Klan kishte të ftuar mbrëmjen e së premtes kryeministrin Edi Rama. Një pjesë të madhe të bisedës e zuri mbyllja e lojërave të fatit, kryesisht basteve. Rama tha se nga 1 janari nuk do të ketë më baste në Shqipëri, por Çani tha se Rama ka një qëllim që e bën këtë lëvizje të fortë.
“Unë të njoh ty. Ti je shumë furbo! Je shumë dinak! Nuk e ke bërë kot këtë. Unë e di. Ti nuk bën asgjë kot. Ke bërë sondazhe dhe mesa duket të ka dalë që fiton vota sepse pyetja është: “përse nuk e bëre më parë?” – tha Çani.
