Kreu i KQZ, Ilirjan Celibashi ka lajmëruar se kompania sllovene Cetis ka përfunduar printimin dhe paketimin e fletëve të votimit për gjashtë qarqe.
Ai thotë se saktësisht sot vijnë fletët e votimit për qarqet Vlorë, Korçë, Berat, Gjirokastër, Elbasan dhe Fier. Priten fletët e votimit edhe për gjashtë qarqet e tjera në të cilat do të votojnë më 25 prill qytetarët e Shqipërisë.
Postimi i plotë: Ka përfunduar printimi dhe paketimi i fletëve të votimit për qarqet Vlorë, Korçë, Berat, Gjirokastër, Elbasan & Fier dhe mbërrijnë në Shqipëri brenda ditës së sotme. Fletët e Votimit po printohen nga kompania sllovene Cetis.
