Trabzonspori e ka regjistruar fitoren e radhës në Superligën e Turqisë në futboll. Në “Medical Park Arena”, Trabzonspori ka arritur ta mposhtë Besiktasin me rezultat bindës 4:1.
Në këtë ndeshje, futbollisti i Kosovës Donis Avdijaj nuk luajti nga minuta e parë. Megjithatë istogasi u inkuadrua në fushë në minutën e 78-të të ndeshjes. Ndërkaq, pesë minuta më vonë ai kishte një rast ideal për ta thelluar epërsinë e skuadrës së tij. I gjendur i vetëm përballë portierit të Besiktasit, goditja e Avdijajt përfundoi jashtë portës.