Shtatë persona kanë vdèkur si pasojë e infektimit me covid në 24 orët e fundit në Kosovë. Instituti Kombëtar i Shëndetësisë Publike të Kosovës dhe Ministria e Shëndetësisë të mërkurën publikuan statistikat e fundit rreth covid në vend.
Në raportimin e tyre, u bë e ditur se katër persona kanë vdèkur si pasojë e infektimit me koronavirus. Ndërkaq, gjatë të mërkurës, vdíqën edhe tre të tjerë të infektuar me covid. Dy persona vdíqën në Ferizaj, ku po trajtoheshin pasi ishin infektuar me koronavirus. Ndërsa, víktima e tretë u shënua në Skenderaj, duke çuar kështu në shtatë numrin e víktimave të koronavirusit në 24 orët e fundit në Kosovë.
Ndërkohë, nga 420 mostra të testuara më 14 korrik, 119 kanë rezultuar pozitive me COVID, kurse 92 persona janë shëruar. Numri total i rasteve pozitive me koronavirus në vend ka shkuar në 5 mijë e 237, numri i të shëruarve në 2 mijë e 462, ndërkaq raste aktive janë 2663. 115 persona kanë vdèkur si pasojë e infektimit me COVID.
