Në konferencën për shtyp, ish-kryeministri Sali Berisha u pyet nga gazetarët se cili do të jetë fati i Bashës pas Kuvendit të paralajmëruar më 11 dhjetor. Berisha u shpreh se për Lulzim Bashën do të votojnë demokratët, duke shtuar se PD-ja nuk ka larguar asnjë nga radhët e saj.
”PD nuk përjashton askënd. Gjatë historikut të saj janë larguar njerëz, por janë larguar vetë. Me gjithë dëmin që i ka bërë PD-së dhe është peng për fajin e vetë, përsëri mendoj se do të jetë vetë ai që do të përcaktojë vendin e tij. Demokratët do të flasin me votë për Lulzim Bashën”.
