Kryeministri Edi Rama ka informuar nga spitali Infektiv se qeveria shqiptare ka bërë rezervim për vaksinën e COVID kur ajo të dalë. Sipas tij, do të ketë financim edhe për të por fillimisht do të financohet vaksinimi falas për vaksinën e gripit sezonal. Rama ndërkohë thashethemet për çipa në vaksinë i ka quajtur fantazi të çmendura të ‘kompetentëve’ në Facebook.
”Kemi dhe hapjen e shkollave. Fëmijët janë transmetuesë, nuk janë të imunizuar. Kemi çunin që do të shkojë në klasën e parë, mos tako, mos përqafo, vendoset në një situatë që është komplet e panjohur. Tani duhet t’i themi komplet të kundërtat në shkollë.
Ajo që vlen të thuhet është që nuk e kemi zgjedhur, na ka zgjedhur. E di shumë mirë se jemi në kontakt të vazhdueshëm me ministren, se çfarë është bërë kur vjen gripi i stinës. Kemi marrë masat për të rritur kapacitetet vaksinuese, që të lehtësojmë gripin e stinës.
Edhe nuk që jam komplet jashtë kësaj fushe, një trup vulnerabël e merr më fort goditjen, me vulnerabilitetin që krijon gripi i stinës. Kemi vendosur një financim të konsiderueshëm. Kemi bërë rezervim për vaksinën kur do të dalë. Pa llogaritur kompetentët e FB, që flasin për çhipa, që do ju përgjojnë ku do shkojnë, çfarë do bëjnë, që janë fantazi e çmendur.”- tha Rama.
