Maliq- E pabesueshme në Maliq. E moshuara ‘kthehet’ nga vdekja ndërsa familjarët kishin njoftuar edhe policinë.
Rasti i rrallë ka ndodhur në fshatin Libonik të bashkisë Maliq ku një e moshuar rreth 75 vjeç, është pare pa shenja jete nga familjarët, të cilët kanë lajmëruar qendrën shëndetësore në Maliq.
Sipas informacioneve edhe infermieri që ka shkuar te banesa e ka konstatuar pa puls.
Pasi u lajmërua policia, në kohën kur këta të fundit shkuan në banesë, e moshuara ka dhënë shenja jete dhe është transportuar në spital ku po merr ndihmë mjekësore dhe është në gjendje të mirë shëndetësore.
