Dy humbje në fazën e parë janë konsideruar pak nga drejtuesit e Flamurtarit, të cilët kanë marrë menjëherë masa. Klubi bregdetar ka konfirmuar ndërprerjen e bashkëpunimit me trajnerin, Dritan Sadedini. Përmes një statusi në rrjetin social “Facebook”, klubi kuqezi shkruan se Sadedini nuk do të jetë trajner i parë, por pjesë e stafit teknik.
“Flamurtari Football Club, komunikojmë se kemi ndërprerë bashkëpunimin me Dritan Sadedinin si trajner i parë. Dritan Sadedini do te vazhdoj të jetë pjese e stafit teknik te ekipit” thuhet në njoftimin e klubit. Flamurtari ka bërë një start sezoni katastrofik duke grumbulluar vetëm 2 pikë në 9 takimet e para. Ndërkohë, kanë pësuar 21 gola dhe kanë shënuar vetëm shtatë. Kështu, edhe pse është shpejt, kuqezinjtë janë kandidatë kryesorë për të rënë nga kategoria. Tashmë, mbetet për t’u parë nëse shkarkimi i Sadedinit dhe emërimi i trajnerit të ri do të ndryshojnë situatën në Vlorë.
