Koncerti virtual i Dua Lipës “Studio 2054” ka thyer rekord, pasi u ndoq nga miliona fansa në të gjithë botën. Koncerti që u mbajt online ka grumbulluar deri më tani 5 milionë shikime, mes të cilëve mbi 1.9 milion nga Kina, 95.000 nga India dhe 263.264 bileta të shitura nëpër platformat e rregullta të biletave.
Në koncert morën pjesë dhe Miley Cyrus, Elton John, Kylie Minogue, FKA Twigs dhe shumë të tjerë.

Lidhur me këtë sukses, Lipa reagoi përmes një postimi në Instagram, ku shkruan: “Jam shumë e ngazëlluer t’ju them se Studio 2054 kishte mbi 5 milionë shikues në mbarë botën të Premten në mbrëmje!!! – faleminderit shumë të gjithëve për pjesëmarrjen!!”

Për shkak të kërkesës së lartë, transmetimi i drejpërdrejtë i artistes shqiptare do të vazhdojë të jetë i disponueshëm deri të dielën me 6 Dhjetor, me biletat që kushtojnë 7.50 £. Kujtojmë që Dua po shijon suksesin e albumit që lançoi në fillim të këtij viti, ndjekur më pas dhe me një version remix “Future Nostalgia”.