Hamit Mehmeti, babai i Edmond Theodhorit i cili mbeti i vrarë më 10 korrik të vitit 2015 në Sarandë, ka paditur në Gjykatë dy personat që akuzohen si autorë të ngjarjes së rëndë.
Mehmeti ka paditur dy shtetasit Keisi Elion Hysa dhe vëllain e tij Keivi Hysa dhe kërkon ndaj tyre shpërblim monetar. Gjyqi në fjalë është i natyrës civile dhe parashikon shpërblim monetar për babanë e viktimës së vrasjes.
Nga dy të paditurit vetëm njëri është gjallë, pasi më 14 Korrik, 2018 Keisi Elion Hysa është gjetur i vrarë dhe i groposur në Nikël të Fushë-Krujës. Hysa prej vitit 2015 ishte në kërkim nga policia, pasi është d ënuar në mungesë për ‘v rasje me paramendim’ të kryer në 2015 në Sarandë, vrasja e Theodhorit.
Ndërsa vëllai i tij Keivi Hysa është arrestuar në Itali më 23 shkurt të vitit 2018. Keivi Hysa, 27 vjeç, ishte shpallur në kërkim ndërkombëtar prej 3 vitesh, pasi Gjykata e Rrethit Gjyqësor Sarandë kishte caktuar ndaj tij masën e sigurisë ‘arrest në burg’ si një nga autorët e vrasjes së pronarit të lavazhit në Sarandë.
