Historia e një 42-vjeçari nga Kukësi, i cili ka trokitur në redaksinë e emisionit me “Zemer të Hapur” të gazetares Evis Ahmeti, është shokuese. Ai denoncon publikisht ish-bashkëshorten se, edhe pse sot ajo është divorcuar prej tij dhe dy fëmijët 9 dhe 6 vjeç i ka nën kujdes, i dhunon ata psikologjikisht dhe i braktis prej ditësh, duke ikur dhe duke qëndruar në praninë e të dashurve të saj, sipas 42-vjeçarit.
Ai shprehet se që në fillimet e shtatzënisë së dytë kanë lindur dyshimet se fëmija nuk ishte i tij dhe i ka kërkuar bashkëshortes asaj kohe të bëjnë AND-në. Edhe pse divorci tashmë ka ndodhur, ai kërkon publikisht fëmijët të kujdeset për ta, pasi sipas tij, fëmijët kanë mbërritur në komisariatin e policisë dhe për disa here radhazi kanë kërkuar të kthehen te babai i tyre.
Por nga ana tjetër 42 vjeçari pohon se e ka kapur ish-bashkëshorten në tradhti disa here, madje ai pohon se ajo ja ka pohuar këtë gjë edhe në sy të fëmijëve të mitur.
Rrëfimi dramatik i 42 vjeçari Asllan Peposhi:
Ish bashkëshortja: Ato që ka deklaruar ai nuk janë të vërteta pasi ai është i fiksuar me xhelozi, çdo gjë është një improvizim dhe një gënjeshtër, unë fëmijët i kam me Asllanin dhe nuk është e vërtetë që djali i vogël nuk ka atësi Asllanin. Ne nuk kemi kaluar një martesë të mirë, jemi njohur me anë të një shkesi. Njohja jonë zgjati 3 muaj, nuk janë të mjaftueshme për të njohur njëri tjetrin.
U fejuam dhe shpallëm fejesën menjëherë. Mirpo kur nisën problemet mes nesh ai më vuri kufizime dhe më kërcënonte për familje dhe u mbylla në vetvete dhe pata frikë që ta denoncoja. Ai ka ushtruar dhunë fizike dhe ndaj djalit të madh, ai zihej edhe me vëllezrit e tij me familjen e tij. Nuk kam dëshirë të dal në përballje me atë.
Asllani: Unë e kam kapur me tradhti dhe ajo e ka pohuar vetë këtë gjë dhe në sy të fëmijēve. Madje i kanē paguar gjykatat dhe i kam parë me syt e mi, prandaj edhe fëmijët qëndruan në kujdesin e saj.Ajo edhe sot i lë edhe ikën me ditë të tëra.Marsin e kaluar nisi debati per tradhtinë duke i kapur foto dhe mesazhe me të tjerë. Në atë kohë që lindën dyshimet ishte djali i madh 2 vjeç.
Fëmijët e kishin dëgjuar natën duke folur me të tjerë, një ditë unë vendosa të iki gjadme në Tiranë por e studioja se çfarë kishte në plan dhe aty zbulova se ajo po më tradhtonte. Dyshimet kanë qenë vazhdimisht. Unë dyshoj në fakt për të dy fëmijët pasi ajo ka pohuar për tradhti dhe në sy të fëmijëve. Unë kërkoj që të bëhet ADN e të dy fëmijëve, e nëse nuk janē fëmijët e mi ish gruaja duhet të më dëmshpërblej për shkatrrimin që më ka bërë të gjithë jetës time.
