Merkato e janarit pritet të jetë me të vërtetë e zjarrtë te Juventusi. Kampionët e Seria A janë kualifikuar në raundin e 1/16-ave të UEFA Champions League dhe kryesojnë Seria A, çka i ka kthyer në pretendentët kryesorë për të fituar titullin në fundin e sezonit aktual. E natyrisht, për të qënë gjithmonë “on top”, bardhezinjve i duhet që të futen fuqishëm në merkato. Diçka të tillë e konfirmon e përditshmja spanjolle, “Mundo Deportivo”, që pretendon se “Zonja e Vjetër” ka nisur të monitorojë situatën e Marc ter Stegen te Barcelona. Gjermani i ka befasuar të gjithë me deklaratën e një mos rinovimi me gjigantin e La Liga, duke shtuar akoma dhe më shumë zërat për një akord me kampionët e Seria A. Juventus kërkon të shtojë cilësitë nën urdhërat e Maurizio Sarrit dhe Ter Stegen do të ishte rivali ideal për Wojciech Szczesny. Megjithatë, Juventus nuk është kandidati i vetëm në garë për numrin 1 të Barcelonës, me 28-vjeçarin që kërkohet edhe nga Bayern Munich e Paris Saint-Germain. Kartoni i tij pritet t’i kushtojë arkave të Juventus rreth 30 milionë euro.
Categories
Sport
