Një ngjarje e rëndë është shënuar në Korçë, ku një djalë i vogël, rreth 8 vjeç është mbytur në parkun japonez. Shërbimet policore bënë të mundur nxjerrjen nga uji të trupit të pajetë. Sipas një njoftimi të policisë, u bë identifikimi i viktimës i cili është shtetasi S. Ç., 8 vjeç, banues në Korçë. Në këtë njoftim thuhet se fëmija ka rrëshkitur aksidentalisht në rezervuar dhe për pasojë është mbytur. Në një video të publikuar shihet momenti kur familjarët mësojnë lajmin e hidhur.
“O bir i nënës, më iku trimi”, vajton një grua e gjunjëzuar mbi tokë, e cila me sa duket është gjyshja e femijes. Ndërsa një tjetër familjar e zë nga krahu ta ngrejë dhe ta qetësojë. Duket se fëmija ka qenë i vetëm, pasi nuk e ka ndihmuar askush derisa ka ardhur policia. Mësohet se vogëlushi i kishte prindërit e divorcuar dhe është rritur nga gjyshërit.
