Saranda është futur në hartën Covid të Shqipërisë me një të infektuar dhe katër mjekë të karantinuar. Një 31 vjeçare me origjinë nga Ukraina, e cila në fakt ishte konstatuar me Covid në Tiranë dhe ishte e detyruar që të qëndronte në shtëpi, ajo iku për të festuar ditëlindjen në Sarandë, duke shkelur kështu çdo lloj protokolli sigurie.
Pasi ka shkuar në Sarandë, ajo ka lëvizur në qytet për katër ditë dhe në ditën e peste është ndjerë keq duke kërkuar ndihmën e mjekëve. Duke mos e ditur, ata i kanë dhënë shërbimin e parë ukrainases deri sa dyshuan për koronavirus. Dalja e analizave pozitive tashmë ka bërë që mjekët të karantinohen.
