Moderatori Edi Manushi ka rrëfyer një raport të disa viteve më parë me kryeministrin Edi Rama. I ftuar tek “Dilema Sociale” për marrëdhënien e tij me kryeministri, Manushi ka treguar se ka punuar me Ramën por që bashkëpunimi me të ka përfunduar për shkak se kryeministri ka qenë një njeri tejet kërkues.
“Të punoje me Edi Ramën ishte e frikshme. Atëherë sa kishin dalë celularët dhe ishte i frikshëm me mesazhe. Shkruante në 3 të natës, një lloj ritmi që nuk përshtatet me mënyrën time të jetesës. Unë i ktheja përgjigje në mëngjes.
Aty më tha rrugët tona nuk bashkohen dhe nuk punuam më bashkë”, u shpreh Manushi. Ndërkohë që Popi e ka pyetur për mendimin e tij për Edi Ramën kryeministër dhe Manushi ka thënë se ai ka krijuar një imazh kulti te vartësit e tij.
