“Shqipëria dënon ashpër agresionin e Rusisë ndaj Ukrainës”, kështu është shprehur kryeministri Edi Rama për nisjen e pushtimit të Ukrainës.
Rama mes të tjerash shprehet se qeveria shqiptare bashkohet me NATO-n dhe aleatët e BE-së.
‘Ne bashkohemi me NATO dhe aleatët e BE në dënimin e ashpër të agresionit të Rusisë. Mendimet tona janë me popullin ukrainas.’- shkruan Rama.
Shqipëria ka mbajtur edhe një fjalim në mbledhjen urgjente të Këshillit të Sigurimit të OKB.
Duke folur në mbledhjen e OKB, Përfaqësuesi i Misionit të Shqipërisë pranë Kombeve të Bashkuara Ferit Hoxha, ku u shpreh se Shqipëria dënoi agresionin e paprovokuar të Rusisë ndaj Ukrainës.
‘Rusia po sulmon brutalisht fqinjin e saj të cilit dëshiron t’i mohojë ekzistencën, lirinë, tokën dhe dinjitetin.’- tha ambasadori Hoxha.
Shqipëria mes të tjerash me anë të një postimi në Twitter i bëri thirrje OKB-së që të mbështesë sovranitetin dhe integritetin territorial të Ukrainës.
“Emergjenca #UNSC mtg më ????????|#AlbaniaUNSC dënoi agresionin e paprovokuar të Rusisë ndaj Ukrainës.
Rusia po sulmon brutalisht fqinjin e saj të cilit dëshiron t’i mohojë ekzistencën, lirinë, tokën dhe dinjitetin. Shqipëria i bëri thirrje OKB-së që të mbështesë sovranitetin dhe integritetin territorial të Ukrainës. “ thuhet në shkrimin në twitter.
