25-vjeçari shqiptar, Haris Shala ka humbur jetën në Itali si pasojë e një aksidenti rrugor këtë mëngjes.
Mediat vendase bëjnë me dije se i riu i cili drejtonte një kamion është përplasur me një mjet tjetër të ngjashëm, në autostradë. I riu ka humbur jetën në vend, brenda kamionit, i cili është shkatërruar i gjithi si pasojë e përplasjes.
Policia rrugore ka ngritur skemën e aksidentit dhe dyshohet se kamioni që drejtohej nga shqiptari u përplas me tjetër kamion më të madh, që kishte ndaluar në autostradë. Ende nuk dihen detajet e plota.
