Policia e Dibrës ka arrestuar një 39-vjeçare me qëllim ekstradimi drejt Italisë. Ajo akuzohet ishte shpallur në kërkim, pasi gjykata e Romës në Itali ka lëshuar një urdhër arresti ndërkombëtar pasi akuzohet për prodhim dhe shitje droge.
Njoftimi i Policisë Dibër
Vijojnë operacionet për kapjen e personave në kërkim ndërkombëtar.
DVP Dibër, në kuadër të megaoperacionit “Sundimi i Ligjit” dhe shkëmbimit të informacioneve me Interpol Tiranën, lokalizuan dhe arrestuan me qëllim ekstradimin në Itali, shtetasen A. Gj, 39 vjeçe.
Kjo shtetase ishte shpallur në kërkim ndërkombëtar, pasi Gjykata e Romës, Itali, ka lëshuar urdhër arresti ndërkombëtar, për kryerjen e veprës penale “Prodhimi dhe shitja e lëndëve narkotike”, në bashkëpunim, parashikuar nga legjislacioni penal italian.
Vijojnë procedurat për ekstradimin e kësaj shtetaseje në Itali.
