Personazhet publike shpesh janë në qendër të vëmendjes për mënyrën se si duken apo dhe ndërhyrjet e mundshme që mund të bëjnë. Qofshin ato estetike apo shëndetësore, shumë artistë e kanë të vështirë t’i pranojnë publikisht.
Ditën e sotme, nëpërmjet opsionit “Questions” në Instagram, këngëtarja Eni Koçi pranoi dhe foli për herë të parë për ndërhyrjet që ajo ka bërë. E pyetur nëse ka bërë ndonjë operacion plastik, ajo shpjegoi:
“Meqë më dole në temë, në moshën 13 vjeçare kam pasur problem shëndetësor dhe jam operuar me urgjencë në hundë. Nga ana shëndetësore u bëra mirë më pas, por operacioni la pasoja estetike dhe deri në moshën 16-17 vjeç nuk mund ta rregulloja. Ndërhyra prapë për të rregulluar pasojat e operacionit të parë dhe rezultoi që ende kisha probleme në frymëmarrje kështu që shkoi 7 orë operim.”
Pra, Eni ka bërë ndërhyrje në hundë. Por përtej kësaj, ka dhe një mesazh shumë të rëndësishëm për të gjithë ata që komentojnë.
“Për të gjitha ata që plasën duke thënë për operacionet, i them të informohen mirë dhe mos të gjykojnë nga disa foto profesionale (ku është mëse normale që lëkura pastrohet dhe gjithçka në detaj) dhe o burra të thonë që ka bërë gjithë trupin dhe fytyrën. Rasti im ka qenë rast i rëndë shëndetësor”- vazhdoi më tej.
Në pyetjet e tjera, ajo tregoi se nuk ka operacione në vithe dhe foli gjithashtu për vazhdimet e studimeve dhe besimet fetare. E rëndësishme në fund është që çdokush të ndihet mirë me veten e tij.
