Është dhënë me shumë sukses sot në sallën e teatrit “Petro Marko” të Vlorës, koncerti i Orkestrës Kamerale NewBorn/ Chamber Orchestra e Kosovës. Të ftuar dhe mbështetur nga Bashkia Vlorë dhe teatri “Petro Marko”. Dhjetë artistë të rinjë, instrumentistë të parë ( solist) në filarmoninë e Kosovës, por që në një orkestër dhome ata janë bërë bashkë për virtuozitetin e tyre…!
Të drejtuar nga dirigjenti Edon Ramadani, artistët nga Prishtina kanë performuar për artëdashësit vlonjatë pjesë nga kompozitorët shqiptarë, si Avni Mula, Feim Ibraimi, Gjergj Kaçinari, Rashid Krasniqi, Rexho Mulliqi etj, të traditës, dhe të huaj si Johaquin Rodrigo, Charles Gounod etj Kanë sjellë emocione të veçanta interpretimet profesionale të sopranos Zana Abazi Ramadani, Betim Krasniqit në trombon, Avni Krasniqi në kornet, Kaltrina Krasniqi në flaut dhe Shkumbin Bajraktari në klarinet…! Ka qënë një mbrëmje e veçantë, kjo e kësaj të shtune për publikun vlonjat, një mbrëmje magjike, dhuruar mjeshtërisht bukur nga arti cilësor e me shumë nivel i artistëve të Orkestrës NewBorn të Kosovës.
