Portugalia është kombëtarja e radhës që siguron një biletë për në raundin final të Euro 2020.
Kampionët në fuqi të Europës mposhtën pa probleme, 2-0 Luksenburgun në takimin e fundit, duke siguruar kështu edhe kualifikimin.
Golat e Bruno Fernandes në minutën e 39 dhe Cristiano Ronaldo në të 86 i mjaftuan luzitanëve për ta mbyllin këtë raund e vendin e dytë të grupit B. Ky ishte goli i 100 për sulmuesin e Juventusit me kombëtaren, realizim që vjen pas tripletës në takimin e kaluar ndaj Lituanisë.
Në kuotën e 17 pikëve pas 8 ndeshjeve, Portugalia pozicionohet pas Ukrainës, që i dhuroi një barazim 2-2 Serbisë në takimin e fundit.Ukrainasit numërojnë 20 pikë në krye të klasifikimit, duke u bërë kombëtarja e radhës që kalon në fazën tjetër të kompeticionit.
