Në policinë e Fierit së fundmi kanë mbërritur disa denoncime për dhunë ndaj femrave. Mësohet se një 45-vjeçar në fshatin Kallm i Madh është arrestuar pasi ka ushtruar dhunë fizike ndaj bashkëshortes dhe vajzës së tij të mitur. Por jo vetëm kaq pasi një 28-vjeçar është proceduar penalisht pasi ka ushtruar dhunë psikologjike ndaj motrës së tij. Ndërsa një 20-vjeçar nga Patosi është shpallur në kërkim pasi ka ushtruar dhunë fizike ndaj ish të dashurës së tij.
Njoftimi i policisë: U arrestua në flagrancë shtetasi E. D., 45 vjeç, banues në fshatin Kallm i Madh, Fier, pasi ka ushtruar dhunë fizike ndaj bashkëshortes dhe vajzës së tij të mitur.
U procedua penalisht shtetasi Xh. Z., 28 vjeç, banues në Fier, pasi ka ushtruar dhunë psikologjike ndaj motrës së tij. U shpall në kërkim dhe po punohet për kapjen e shtetasit R. B., 20 vjeç, banues në Patos, pasi ka ushtruar dhunë fizike ndaj ish të dashurës së tij.
