Vëllai i moderatores Einxhel Shkira, Alois Shkira, ka komentuar situatën e krijuar së fundmi mes Donaldit dhe motrës së tij dhe debateve të ashpra mes tyre brenda shtëpisë së “BBV”. Einxhel e akuzon Donaldin se e ka pushuar nga puna dhe nuk i ka dhënë rrogën në kohën kur ajo punonte me të.
Ndërkohë sot në një emision televiziv, vëllai i Einxhel u shpreh se është një debat mjaft delikat dhe se nuk mund të gjykojmë dot as Einxhel dhe as Donaldin.
Vëllai i Einxhel: Është delikate si debat. Einxhel është një tip që u beson gjërave, ëndrrave dhe iniciativave që të tjerët marrin. Është një këshillë që i kam dhënë edhe pse më i vogël, shikoji gjërat në term biznesi, më ftohtë. Ka besuar jo në mënyrë të ligjshme, me kontrata, nuk ma dëgjoi këshillën. Truri fillon e punon në mënyrë tjetër, jo si jashtë. Varet si është thënë, varet si është bërë pyetja. Nuk mund të gjykojmë dot as Einxhel dhe as Donaldin.
