Ndryshojnë rregullat e hyrjes në Greqi, pas vendimit që ka marrë qeveria e shtetit fqinj. Mësohet se nga data 7 shkurt te gjithë ata që duan të udhëtojnë drejt shtetit grek do të paraqesin vetëm certifikatën e vaksinimit, e cila quhet e plotë nëse janë kryer dy doza.
Lajmi është bërë i ditur ministri grek i shëndetësisë. Sipas rregullave të reja, udhëtarët nuk e kanë të detyrueshme të paraqesin testin e PCR-së ose testin e shpejtë.
Deri më tani, rregull në shtetin fqinj ishte se udhëtarët duhej të kishin një test negativ ose të ishin diagnostikuar negativë në një test të shpejtë brenda 24 orëve para mbërritjes së tyre në Greqi. Për ata që nuk janë vaksinuar vlen ajo që ka ndodhur deri më tani, do të duhet të testohen.
