Barcelona e bëri Ansu Fati debutuesin e tyre të dytë më të ri në histori në moshën 16-vjeçare kundër Real Betis të dielën në mbrëmje në Camp Nou. Anësori i Juvenil A bëri paraqitjen e tij të parë për ekipin senior, duke u bërë lojtari më i ri që e bëri këtë që nga Vicente Martinez në vitin 1941, ndërsa mundësia e tij erdhi për shkak të dëmtimeve në sulm, me Lionel Messi, Luis Suarez dhe Ousmane Dembele të gjithë të padisponueshëm për takimin me Betis.
“E vërteta është se kam qenë shumë nervoz, por kam vetëm falënderime për të gjithë; klubin, trajnerin, tifozët, të cilët më kanë pritur aq mirë”, tha Fati për mediat e klubit. “Unë i shikova prindërit, familjen time, ata që më kanë shoqëruar deri në këtë pikë”.
“Unë qëndrova atje në fushë edhe për pak minuta më shumë sepse nuk mund ta besoja dhe tani është koha ta shijoj momentin. Kam vetëm fjalë falënderimi”. Me Messin dhe Suarez që shpresojnë të rikthehen sërish për t’u përballur Osasunan fundjavën e ardhshme, Fati do të duhet të punojë shumë për të mbajtur vendin e tij në skuadrën e parë.
